Kwa ufupi
Taarifa iliyotolewa kwa vyombo vya habari juzi,
ilisema kuwa kazi yake itakuwa kufuatilia kazi za taasisi hiyo
Kaskazini, Magharibi, Kusini, Mashariki na Afrika ya Kati pamoja na
kuongoza mipango ya mradi ya kimaendeleo na kiutekelezaji ya TCCAF.
Dar es Salaam. Mkurugenzi wa Coca-Cola Group wa
Uwezeshaji wa Wanawake Kiuchumi wa Eurasia na Afrika (Women’s Economic
Empowerment for Eurasia & Africa), Dk Susan Mboya-Kidero ameteuliwa
kuwa Rais wa The Coca-Cola Africa Foundation (TCCAF).
Taarifa iliyotolewa kwa vyombo vya habari juzi,
ilisema kuwa kazi yake itakuwa kufuatilia kazi za taasisi hiyo
Kaskazini, Magharibi, Kusini, Mashariki na Afrika ya Kati pamoja na
kuongoza mipango ya mradi ya kimaendeleo na kiutekelezaji ya TCCAF.
Dk Mboya-Kidero alijiunga na Kampuni ya Coca-Cola
Septemba 2008 kama Meneja Mkuu wa Franchise na Coca-Cola Canners wa
Afrika Kusini. Alipandishwa cheo kuwa Mkurugenzi wa Coca-Cola Group wa
Uwezeshaji wa Wanawake milioni tano kiuchumi ifikapo 2020 (5By20).
Aliongoza juhudi za kikundi cha kuchangia fedha
kikamilifu kuelekea dhamira ya kampuni ya kimataifa ya kuwawezesha
wanawake wajasiriamali wa Coca-Cola value chain 2020.
Alifanikisha haya kwa kufanya kazi kwa mfumo wa
Afrika, India, Mashariki ya Kati, Uturuki na Urusi ili kuboresha
maendeleo endelevu ya biashara ndogo ndogo,.
Ni mwanamke anayetajwa kutoa nafasi za kazi nyingi
na uwezeshaji kiuchumi kwa wanawake katika nafasi za ujasiriamali ndani
ya Coca-Cola value chain.
