Kwa ufupi
Hata hivyo imebainika kuwa Mkazi wa Tunduma
Oden Said (28) amekuwa akihusika na biashara usafirishaji wa raia 28 wa
Ethiopia, baada ya taarifa ya Polisi Mkoa wa Mbeya kueleza kuwakamata
wahamiaji hao.
Mbeya. Wimbi la wahamiaji haramu limezidi
kuutikisa Mkoa wa Mbeya, baada ya wahamiaji hao kutoka nchi mbalimbali
hususan Ethiopia kuendelea kuingia katika mkoa huo bila kibali licha ya
vyombo vya dola kuwatia mbaroni mara kwa mara.
Hata hivyo imebainika kuwa Mkazi wa Tunduma Oden
Said (28) amekuwa akihusika na biashara usafirishaji wa raia 28 wa
Ethiopia, baada ya taarifa ya Polisi Mkoa wa Mbeya kueleza kuwakamata
wahamiaji hao.
Kamanda wa Polisi Mbeya, Diwani Athuman alisema
Chenet Jabamo na wenzake 27 walifanikiwa kuingia nchini kinyume cha
sheria za uhamiaji za nchi huku akibainisha kwamba polisi wanamshikilia
mkazi huyo wa Tunduma kwa tuhuma za kuhusika na kuwasafirisha raia hao
kwa njia ya kificho.
