29th September 2013
Kampuni
ya kimataifa ya kuhamisha pesa kwa njia ya mtandao, 'Times of Money' ya
India, inatarajiwa kuwekeza huduma hiyo nchini Tanzania kama sehemu ya
mpango wake wa kujipanua Barani Afrika.
Taarifa kwa vyombo vya habari iliyotolewa
na Kampuni ya Times of Money, imesema iko katika hatua za awali za
kuleta nchini mageuzi ya utumaji pesa kwa njia ya mtandao kutoka nje ya
nchi.
“Mfumo huu utawawezesha Watanzania
wanaoishi nje ya nchi kupata au kutuma fedha kutoka sehemu yoyote
duniani na kuingia moja kwa moja kwenye akaunti zao za benki, kadi za
malipo ya kabla (pre-paid cards),” alisema Afisa Mtendaji Mkuu wa Times
of Money, Avijit Nanda.
Aidha, Nanda alisema kupitia mfumo huo,
Watanzania watakaotumia huduma hiyo wanaweza moja kwa moja kupokea pesa
zitakazotumwa kwao kutoka nje ya nchi moja kwa moja kwenye simu zao za
mkononi.
Katika kuimarisha huduma hiyo, kampuni
hiyo, hivi karibuni tumeingia mkataba na Benki ya Diamond Trust nchini
Kenya kutoa huduma kwa wateja wake wa mfumo unaojulikana kama
‘NationHela’.
Kwa mujibu wa Wizara ya Mambo ya Nje na
Ushirikiano wa Kimataifa, Tanzania idadi ya Watanzania wanaoishi na
kufanya kazi nchi sehemu mbalimbali duniani milioni mbili, huku ripoti
ya Benki ya Dunia, inakadiriwa kuwa Watanzania hao waliingiza nchini
kiasi cha Sh.120 bilioni mwaka jana.
CHANZO:
NIPASHE JUMAPILI
