Kwa ufupi
Pia, wamesema viongozi hao watambulike kama wageni
waalikwa na kwamba ili kuliweka jambo hilo wazi ni vyema likaanishwa
kwenye Katiba ili kuondoa utata kwa viongozi wa Serikali kuhusishwa na
kuwa na itikadi za kidini.
Kigoma. Baraza la Katiba la Wilaya ya Kigoma
limetaka Rasimu ya kwanza ya Mapendekezo ya Katiba itamke wazi kuwa
viongozi wa Serikali watakapo kuwa kwenye sherehe za dini
hawatatambulika kama ni waumini wa dini fulani.
Pia, wamesema viongozi hao watambulike kama wageni
waalikwa na kwamba ili kuliweka jambo hilo wazi ni vyema likaanishwa
kwenye Katiba ili kuondoa utata kwa viongozi wa Serikali kuhusishwa na
kuwa na itikadi za kidini.
Wakijadili kwenye kikao cha baraza hilo jana
walisema ili kuepusha masuala mbalimbali na migogoro ya kidini ni vyema
Rasimu ikaeleza kila jambo linalohusu dini kwa wazi na kufafanua ikiwa
pamoja na kutaja kuwa Serikali haina dini.
Reonald Edson ambae ni mjumbe wa baraza la hilo
alisema, “Naomba ifahamike wazi kuwa kiongozi wa Serikali atakapo
hudhuria sherehe yoyote ya dini awe kama mgeni mwalikwa na sio
mwakilishi wa dini yake.”
Alisema ilikuliweka jambo hilo wazi na
likafahamika kwa kila Mtanzania ni vyema Katiba Mpya ijayo ikaeleza kwa
kina nakulitolewa ufafanuzi ili kuepusha masuala ya kidini na udini
kuibuka.
“Nchi yetu masuala ya kidini yameanza kuingia,
sasa ili kuepusha jambo hili lisisambae kwa urefu ni vyema kila kitu
kinacho endana na imani za dini kikatolewa ufafanuzi kwenye Katiba ili
kusaidia kuondoa sumu za udini kusambaa nchini,” alisema Edson.
Ubunge
Mjumbe mwingine wa baraza hilo Mbasa Alfonce
alisema anapendekeza kuwa mtu yoyote akipata ubunge au udiwani achane na
kazi anayoifanya ili aweze kuwahudumia wananchi wake vizuri.
Alisema kwa mujibu wa Ibara ya 21 (1) inasema kuwa
mtumishi wa umma aliye katika ajira ya kudumu hataruhusiwa kuingia
katika ajira nyingine yenye malipo ya mshahara.
“Kifungu hiki napendekeza kiwepo kwenye Katiba
Mpya na kwamba kitiliwe mkazo zaidi ili kuhakikisha watumishi wa umma
ikwa pamoja na waliyo chaguliwa na wananchi wanafanya kazi za
kuwahudumia watu waliyowachagua,” alisema Alfonce.
source: Mwananchi.co.tz
source: Mwananchi.co.tz
