Posted
Jumapili,Septemba8
2013
saa
11:32 AM
Kwa ufupi
“Mwanzoni nilikuwa na wasiwasi kwamba huenda
nisiweze kuotesha maua yangu vizuri,lakini watu wamekuwa wakitoka maeneo
mbalimbali na kuja kujionea na kufurahia bustani yangu , na hivi karibu
nilipata wenza kutoka New Zealand ambao walikuja kwa ajili ya kuona
bustani hii”.
Bustani yake hiyo ina dazeni za vikapu vya maua
vinavyoning’inia ambavyo vimebeba aina tofauti tofauti za maua mazuri ya
kuvutia, jambo ambalo limewafanya hadi majirani zake kuona wivu kwa
jinsi mazingira ya nyumba yanavyopendeza na kuvutia.
Licha ya kuwa juhudi za kikongwe huyo
zinajidhihirisha waziwazi pale wageni na wenyeji wanapopita eneo hilo na
kusifia bustani hiyo nzuri, lakini Joe mwenyewe hana uwezo wa kuona
matunda ya jasho lake hilo kwa kuwa ni kipofu.
Joe alipata hitilafu katika macho yake na hivyo
kupoteza uwezo wake wa kuona miaka 20 iliyopita, lakini bado vidole
vyake viliendelea kupenda kuona na kuhisi hali ya kijani.
Katika eneo analoishi linalofahamika kama Crook
katika jimbo la Durham, Joe anaweza kukusanya aina mbalimbali za maua
kwa hisia na kugusa tu na kwa jitihada zake hizo ameweza kushida tuzo
kadhaa.
Joe ambaye zamani alikuwa akifanya kazi katika
kiwanda kilichopo jimboni humo anasema: “Nilipopata hali hii ya upofu,
hilo halikunifanya niache kutengeneza na kupenda maua, japokuwa siwezi
kukiona kile nikifanyacho, natumia ana hisia kwa kunusa na kugusa maua
ninayoyapenda”
“Mwanzoni nilikuwa na wasiwasi kwamba huenda
nisiweze kuotesha maua yangu vizuri,lakini watu wamekuwa wakitoka maeneo
mbalimbali na kuja kujionea na kufurahia bustani yangu , na hivi karibu
nilipata wenza kutoka New Zealand ambao walikuja kwa ajili ya kuona
bustani hii”.
“Napenda sana aina zote za maua , japokuwa siwezi
kuotesha mauaridi kwa wingi kama ilivyokuwa mwanzo kwa naogopa sana
kuchomwa na miiba” anasema na kuongeza.
“Kwa kawaida huwa naanza mwezi wa tatu kwenda wa
nne kwa kuanza kuotesha maua kwenye vitalu vidogo, wakati mwingine huwa
inakuwa vigumu kuotesha na kisha kuyatoa kwa ajili ya kuyapanda,
inahitaji umakini zaidi ili yasije kukatika na kushindwa kustawi kwenye
vyungu, wakati mwingine huwa nahisi nikiwa napanda maua yangu watu
husimama na kuniangalia sana na kuwasikia wakisifia jinsi bustani yangu
ilivyo na mvuto” anasema.
Mkewe Joe, Heather ana mzio kwa maua, hivyo mara
nyingi hatoi msaada wowote kwenye bustani, lakini wenza hao wanaye
mjukuu Jamie ambaye husaidia kazi ya kuninginiza vikapu vya maua na
shuguli za usafi bustanini.
Mstaafu huyo amepata vikombe kdhaa vya ushindi
katika maonyesho ya maua yaliyofanyika jimbo analoishi katika miaka ya
hivi karibuni, lakini kwa mwaka huu mashindano hayo hayakufanyika
kutokana madhara ya msimu wa joto kwa mwaka 2011 na 2012.
Mkewe Heather 68, anasema: “Ninajivunia sana kuwa
na mwanamume wa aina hii, akishaamua kufanya chochote bustanini
hakataziki, bustani yetu ni nzuri sana na ina maua mengi ya kuvutia”.
“Hii ni pepo halisi ya mchanganyiko wa rangi za
maua, wakati mwingine tunashuhudia magari yaskisimamishwa hapo nje huku
watu wakishuka kwenye magari yao kuomba japo kuchuma ua bustanini.”
Anasema Heather.
Joe anasema mara kwa mara huamka usiku wa mnene na kuangalia
maendeleo ya bustani yake, na wakati mwingine hufurahia zaidi anapogusa
vile vikapu vya maua vinavyoninginia na kujiridhisha kuwa vipo na
vinazidi kumfurahisha.
Licha ya bustani hiyo ya kuvutia ambayo
amefanikiwa kuistawisha mbele ya nyumba yake, pia ana miti ya matunda,
michikichi na miti mingi ya kudumu muda mrefu ambayo ameiotesha upande
wa nyuma ya nyumba yake, lakini anasema amesikitishwa na kitendo cha
mkewe Heather baada ya kuukata mti wa tufaa wakati ilikuwa mapema
kufanya hivyo.
“Ninaweza kuzungukia bustani yangu na kuangalia
maendeleo ya maua yangu mazuri na mara nyingi watu huamini kuwa naona,
nimekuwa nikiwasikia wakinong’ona kichinichini kuwa, ‘anaona huyo’”
anasema na kuongeza.
“kama ningelikuwa naona mbona ningekuwa nawafukuza
na kuwaambia tokeni msiharibu maua yangu, hii ni kwa sababu bustani
yangu naijua vizuri sana , nimeiweka kwa aina ambayo binafsi nina uwezo
wa kutambua kila mahali na kila ua lilipo.’.
Makala hii imetafsiriwa na Jamila Kilahama kutoka Gazeti la Daily Mail la Uingereza.
source: Mwananchi
source: Mwananchi
