Kwa ufupi
Licha ya Makunga, washtakiwa wengine katika
kesi hiyo ni aliyekuwa Mhariri Mtendaji wa Kampuni ya Free Media
inayomiliki gazeti la Tanzania Daima, Absalom Kibanda na Mwandishi wa
Makala katika safu ya Kalamu ya Mwigamba katika gazati hilo, Samson
Mwigamba.
Dar es Salaam. Meneja Uendelezaji Biashara wa
Kampuni ya Mwananchi Communications Ltd (MCL), inayochapisha magazeti ya
Mwananchi, The Citizen na Mwanaspoti, Theophil Makunga na wenzake
wawili, wanaokabiliwa na kesi ya makala inayodaiwa kuwa ya uchochezi,
leo wanatarajiwa kuanza kujitetea.
Licha ya Makunga, washtakiwa wengine katika kesi
hiyo ni aliyekuwa Mhariri Mtendaji wa Kampuni ya Free Media inayomiliki
gazeti la Tanzania Daima, Absalom Kibanda na Mwandishi wa Makala katika
safu ya Kalamu ya Mwigamba katika gazati hilo, Samson Mwigamba.
Washtakiwa hao wanatarajiwa kuanza kujitetea leo,
baada ya Mahakama ya Hakimu Mkazi Kisutu kuamua kuwa wana kesi ya kujibu
na kuwataka wajiandae kwa utetezi.
Uamuzi huo ulitolewa Agosti 14, mwaka huu na
Hakimu Mkazi Warialwande Lema, anayesikiliza kesi hiyo baada ya upande
wa mashtaka (Jamhuri) kufunga ushahidi wao.
Jamhuri ilifunga ushahidi uliotolewa na mashahidi
watatu; Mkurugenzi Msaidizi wa Usajili Magazeti, Raphael Hokororo,
Kamishna Msaidizi wa Magereza, George Mwambashi na Mrakibu Mwandamizi wa
Polisi, David Hizza.
source: Mwananchi
source: Mwananchi
