Sumaye ahofu Watanzania kukosa soko la ajira

Na Beatrice Moses, Mwananchi

Posted  Septemba14  2013  saa 9:41 AM

Kwa ufupi

Sumaye aliyasema hayo jana kwenye mahafali ya darasa la saba katika Shule ya Msingi New Era Montessory, iliyopo nje kidogo ya Jiji la Dar es Salaam.

Waziri Mkuu Mstaafu, Frederick Sumaye amesema soko la ajira kwa Watanzania linakabiliwa na hatari ya kushuka kutokana na Serikali kushusha viwango vya ufaulu kwa wanafunzi wanaojiunga na vyuo vya elimu ya juu.

Sumaye aliyasema hayo jana kwenye mahafali ya darasa la saba katika Shule ya Msingi New Era Montessory, iliyopo nje kidogo ya Jiji la Dar es Salaam.

Alisema kushusha kiwango cha wanafunzi kujiunga na elimu ya juu si dawa ya kusaidia wengi kuweza kupata elimu hiyo bali ni kuporomosha viwango vya elimu nchini.

“Mteremko katika elimu nchini udhibitiwe kwa sababu unaweza kusababisha Watanzania wenye shahada kukosa ajira. Huko ni kushindwa kushindana katika soko la ajira ‘alisema.
SOURCE: MWANANCHI