Na Gasper Andrew, Mwananchi
Posted Septemba14 2013 saa 9:58 AM
Posted Septemba14 2013 saa 9:58 AM
Kwa ufupi
Singida. Wafanyakazi wawili wa Wakala wa
Jiolojia kutoka Dodoma mjini,wamepigwa na kujeruhiwa wakiwa kazini na
baadhi ya wananchi wa Kijiji cha Irisya Tarafa ya Sepuka Wilaya ya
Ikungi, kwa kuhisiwa kuwa majambazi.
Wananchi waliwavamia Peter Lucas (30) na Edwin
Rwekiza (25), wakiwa kazini na kuwapiga kwa kutumia silaha za jadi
ikiwemo marungu.
Wakala hao ambao wanafanya kazi chini ya Wizara ya
Nishati na Madini walikuwa Singida kwa kazi ya kuchora ramani za
kijiolojia na kutafiti zaidi maeneo yaliyobainishwa kuwa na dalili ya
madini kupitia uchunguzi wa helikopta...
Wafanyakazi hao waliumizwa vichwani na Edwin
ambaye ni mwanafunzi wa Chuo Kikuu Dodoma mwaka wa pili akichukua masomo
ya jiolojia, amevunjika mifupa ya kichwani na hali yake ni mbaya.
Juzi jioni Edwin alisafirishwa kwa ndege kupelekwa
Hospitali ya KCMC Moshi mkoani Kilimanjaro kwa ajili ya matibabu zaidi.
Kwa upande wa Peter, anaendelea na matibabu katika hospitali ya mkoa
mjini hapa.
Akizungumza na waandishi wa habari ofisini kwake
juzi, Kamishna Msaidizi wa Madini Kanda ya Kati Singida, Manase Mbasha
alikiri kutokea kwa tukio hilo na kwamba lilitokea Septemba 11 mwaka
huu.
Alisema ofisi ya mkuu wa mkoa imewaandikia wakuu
wa wilaya zote juu ya ujio wa wafanyakazi wa wakala wa jiolojia kutoka
Dodoma, kufanya kazi katika maeneo yaliyobainishwa kuwa yana uwezekano
wa kupatikana kwa madini mbalimbali.
“Natoa wito kwa wananchi wa Mkoa wa
Singidas,kurejesha utamaduni wao uliozoeleka wa kufuata taratibu,kanuni
na sheria pale wanapokuwa na wasiwasi na wageni wanaoingia katika maeneo
yao.
SOURCE: MWANANCHI
SOURCE: MWANANCHI
