“Na ninyi wakandarasi acheni sababu , kamilisheni ujenzi wa barabara hizi.”
Dk John Magufuli
Dar es Salaam. Waziri wa Ujenzi,Dk John Magufuli amewaagiza makandarasi kuendelea na kazi za ujenzi wa barabara hata kama watu watakimbilia mahakamani kufungua kesi kwa sababu miradi mingi imekuwa ikicheleweshwa kwa kigezo hicho.
Dk Magufuli alitoa agizo hilo jana baada ya
kukagua miradi ikiwamo barabara zinazopanuliwa kwa ajili ya kupunguza
msongamano, Daraja la Kigamboni na mradi wa mabasi yaendayo kasi.
Alisema baadhi ya watu wamejenga kwenye hifadhi
ya barabara na pindi wanapoona zinataka kupanuliwa wamekuwa wakikimbilia
mahakamani na kusababisha miradi mingi kuchelewa kukamilika kwa
wakati. “Msongamano unatuletea matatizo makubwa hadi ndoa nyingine
zinavunjika hivyo tutoe ushirikiano ,” alisema Magufuli.
